Manifestación en Nemiña e outras lerias.

Na páxina web do Club Os Tombos apareciu hai xa uns días unha entrada criticando a celebración dun campionato de longboard na praia de Nemiña. Como en ese post se fala en primeira persoa do plural, e como socio do club non me sinto representado polo alí expresado, e xa que os comentarios da entrada foron suprimidos (supoño que porque se estaba desfasando todo), aproveito o blog para dar a miña opinión.

Eu non entendo o surf como unha competición, para min é soamente unha forma de escapar á rutina diaria, estar en forma e divertirme. Coma min hai moita xente, pero hai outros moitos  que toman este deporte doutro xeito, onde inclúen a competición e mesmo quen o toma como unha forma de vida. Son distintas formas de enfocar o mesmo deporte, e penso que todas válidas. Ainda que unha vez no ano veña xente a disfrutar da praia acotando un par de horas o mellor pico ese día ou ese fin de semana, non pasa nada. E ademáis teñen todo o dereito.

O que menos me gusta do comentario é que se fale en nome de todos e ainda por riba, o faga o señor Anónimo. Cando se dice algo, hai que dar a cara, e máis falando en nome de outros.

Por outra banda, respecto os que organizan o campionato, con todos os membros do clube cos que falei, ningún tiña noticia algunha de que se iba a celebrar o campionato. Coido que aínda que teñen todo o dereito a celebrar o campionato, e non hai nada que lles obligue a facelo, deberíanse ter posto en contacto con algún membro do club asiduo de esta praia, por si o club quixera participar na organización do evento ou por si lles interesase montar un chiringuito para sacar fondos, ou simplemete por cortesía, porque a min non se me pasa pola cabeza que en setembro, eu e un par de colegas pidamos os permisos oportunos e organicemos un campionato de bodyboard en Doniños ou en Patos, e un mes antes do evento o publiquemos nun par de webs; estou seguro que os asiduos a esas praias non lles iba a facer ningunha graza. É máis, seguro que se interpretaría como que o campionato non é máis que a excusa para que unha panda de amiguetes cerrásemos o mellor pico para pasar o rato nos sós.

Opino que as cousas hai que tomalas con calma e con boa vontade, porque sinon, nin uns nin outros disfrutaremos ese fin de semana, e así, perdemos todos.